Klejdi Dogjani ose siç e njohim ne Finemi është një ndër artistët e rinj që ka bërë bujë në industrinë tonë muzikore.

Ai u bë i njohur me këngët e tij rrep, ndonëse gjatë rrugës e kemi dëgjuar edhe me balada apo këngë më ritmike. Mirëpo çfarë nuk kemi dëgjuar shpesh për të mos thënë fare për Finemin është jeta e tij private.

Reperi ndonëse në një moshë të re e ka ruajtur me fanatizëm këtë pjesë. Mirëpo së fundmi Kryefjala.com ka publikuar një foto të Klejdit i cili duket së bashku me një vajzë në krahë. Brunja bukuroshe duket se ka ngjashmëri të frikshme me yllin botëror, Kim Kardashian.

Fotoja në fjalë është shkrepur në një festë, ndonëse nuk dihet ende me siguri nëse kjo është e dashura e reperit.

Nga ana tjetër kujtojmë që një vit më herët bënë xhiron e rrjetit disa pamje nga një sherr në mes të Tiranës, ku protagonist ishin pikërisht dy reperët, Finem dhe Don Xhoni.

Gjithçka nisi pas një deklarate që Finem bëri në një emision televiziv. Reperi iu përgjigj një pyetje se kush ishte një prej artistëve që sipas tij kishte marrë famë kot dhe ai zgjodhi Don Xhonin. Përplasja vijoi dhe në rrjetet sociale duke u degjeneruar deri në sherr fizik.