Aktorë, këngëtarë apo moderatorë? Këta personazhe të famshëm shqiptarë nuk dimë cilin emër t’i vendosim sepse ata i kanë bërë të treja dhe kanë patur shumë sukses. “Revista Who” vendosi t’ju sjellë sot disa nga personazhet e famshëm të showbizit që i kemi parë në të treja fushat.

Olsi Bylyku – Fillimisht Olsin e kemi parë si aktor në “Portokalli” ndërsa sot është pjesë e kastit të “Klanifornias”. Olsi ka realizuar edhe disa këngë të cilat janë pëlqyer shumë nga publiku. Së fundmi atë po e shohim edhe si moderator me emisionin e tij “Roped with Olsi”, që sapo ka filluar rrugëtimin.

Klea Huta – Edhe Klea e kemi parë në ekran fillimisht si aktore dhe këngëtare tek “Kripëmjaltëzat”. Më pas e pamë si moderatore të “Top Fest 10” dhe tek “Gjeniu i vogël”. Klea ka prezantuar edhe programin për fëmijë “Junior Club” , ka fituar çmime në festivale, ka luajtur në serialin “Millenium”, ka publikuar klipe dhe ka marrë pjesë me këngën “Amla” në “Kënga Magjike”. Aktualisht Klea modern “Këngë moj” në Vizion plus.

Rozana Radi – Rozanën e kemi njohur në fillim si këngëtare dhe autore të disa prej këngëve më të bukura që dëgjohen sot e kësaj dite. Rozana ka marrë pjesë në disa festivale e ka fituar shumë çmime. Por ajo ka luajtur gjithashtu dhe në filma duke kujtuar këtu filmin “Mira”, por pa harruar edhe skeçet e “Femzanat”. Prej kohësh Rozi është edhe moderatore e emisionit investigative “Boom”.

Almeda Abazi – Bukuroshja shqiptare që prej vitesh jeton në Turqi ka moderuar, ka aktruar, ka realizuar edhe këngë. Almeda ka prezantuar “Këngën Magjike”, “Dancing with the stars” etj. Ajo ka aktruar në disa seriale në Turqi, por u bë shumë e njohur në serialin “Sulejmani i madhërishëm”. Dy vite më parë, Almeda i hyri edhe muzikës duke realizuar këngën “Alabama”. Ajo po punon tani për të sjellë së shpejti këngë të reja.

Rita Ora – Këngëtarja shqiptare me famë botërore, Rita Ora di t’i bëjë gjithashtu të treja. Ritën e kemi njohur si këngëtare, ka fituar shumë çmime dhe këngët e saj janë renditur në top lista. Mirëpo Rita është edhe aktore. Dy nga filmat më të njohur janë “Fifty Shades of Grey” dhe “Fast and Furious”. Rita ka moderaruar gjithashtu edhe ceremoninë e MTV Europe Music Awards./revistawho.com