Që kur ka nisur “Big Brother VIP 3”, Romeo Veshaj është një ndër banorët më të diskutuar, por gjatë kësaj kohe një vëmendje ka marrë edhe binjaku i tij Donaldi, i cili ishte një nga protagonistët e “BBV1”.

Mirëpo, duket se protagonistI i vitit të kaluar, Luiz Ejlli vazhdon të jetë në qendër të vëmendjes, edhe pothuajse një vit pas përfundimit të eksperiencës së tij në “BBV2”.

Por kush është më i kërkuari gjatë këtij Big Brother-i?

Eksperti i sigurisë kibernetike Besmir Semanaj ka publikuar në X disa statistika që tregojnë për cilin prej tyre është më i interesuar publiku.

Sipas analizës së Semanajt, të bazuar në të dhënat nga kërkimet në Google dhe YouTube, duket se Romeo dhe Donaldi të bërë së bashku nuk e mundin dot Luiz Ejllin.

“Sot po lexoja në disa portale që #luizejlli dhe #donaldveshaj janë dy ish-banorët më të përfolur gjatë këtij BBVIPAL. Përsëri i drejtohemi statistikave, Donald + Romeo (aktualisht banor) nuk arrijnë dot Luizin.

PS. Statistikat vetëm gjatë këtij #BBVIPAL,” -ka shkruar Semanaj.

popart.al