'Dua të bëhem baba', Albi Nako bën rrëfimin emocional

‘Dua të bëhem baba’, Albi Nako bën rrëfimin emocional

Koreografi Albi Nako gjatë një bisede të zhvilluar me një prej banoreve të shtëpisë vip tregoi për dëshirën e tij të madhe që ka për t’u bërë baba.

Ai tregoi se ai dhe e dashura e tij po përpiqen që prej një viti, por nuk kanë rezultat edhe pse i kanë kryer të gjitha vizitat e nevojshme. Përveç dëshirës së tij të madhe për t’u bërë baba, Albi tregon se do të bëhet prind në mënyrë që të gëzojë dhe prindërit e tij.

‘Kemi një vit që po e provojmë, por nuk po jep rezultate edhe pse i kemi bërë të gjitha kontrollet dhe jemi në rregull. Unë e kërkoj sepse duhet se s’bën dhe ka kohë që e kërkoj këtë gjë, edhe pse unë kam katër vite që bashkëjetoj. Jetoj me prindërit dhe nuk e kam lënë Shqipërinë vetëm prej atyre.

Familja ime nuk e gëzoi motrën dhe nipin, kanë djalin e tyre që jam unë dhe kanë të drejtën e gjithë botës që të kenë nipër e mbesa. E vuaj dhe duhet të jetë momenti sa më shpejt, për mua dhe për prindërit. Prindërit e mi kanë vuajtur shumë, mami ka pasur një tumor në stomak, hoqi tre çerekun e stomakut, bëri dhe kimio.’