Në këtë edicion të 20 të festivalit të “Këngës Magjike” konkurrojnë disa prej artistëve më të njohur të skenës shqiptare. Një ndër ta janë edhe Rozana Radi, Mc Kresha i cili vjen në bashkëpunim me Fifin. E pikërisht kjo skenë nuk do të thotë pak për Kreshën dhe Rozanën pasi disa vite më parë ata deklaruan publikisht lidhjen e tyre te “Kënga Magjike”. Rozana vendosi një ditë më parë që të bënte një bashkëbisedim me fansat e saj, të cilët ishin kuriozë të dinin marrëdhënien e saj me Mc kreshën dhe Fifin, shkruan Panorama Plus.

E mesa duket marrëdhënia e tyre e mëparshme nuk do të ndikojë në vlerësimin e këngës dhe pikët përfundimtare që secili do të japë në natën finale të ndarjes së çmimeve. E pyetur nga ndjekësit nëse do të votojë për këngën e MC Kreshës dhe Fifit, Rozana u përgjigj duke thënë: “Ju siguroj që votimet e mia do jenë të hapura si të gjithë artistëve. Do ta shikoni”.