Tani që situata ka filluar të qetësohet pas transmetimit të intervistës, elementët e përbashkët midis historive të tyre janë të qarta: Të dyja luftuan me luftëra të shëndetit mendor, vëmendje të pashmangshme për shtyp.

Njëzet e gjashtë vjet larg, Dukesha e Sussex dhe Princesha Diana u ulën me dy gazetarë të ndryshëm për dy intervista të ashtuquajtura bombë. Koha, vendndodhjet dhe detajet ishin të ndryshme.

Meghan ishte në Montecito, California, ndërsa princeshë Diana ishte në dhomën e saj të ndenjes në Londër. Meghan kishte në krah burrin e saj, princin Harry, teksa Diana ishte krejtësisht e vetme.

Sipas Vogue, tani që situata ka filluar të qetësohet pas transmetimit të intervistës, elementët e përbashkët midis historive të tyre janë të qarta.

Në nëntor të 1995, Princesha Diana mori pjesë në një intervistë me gazetarin e BBC-së Martin Bashir. Asnjë temë nuk ishte jashtë kufijve, përfshirë bullizmin, depresionin dhe bashkimin e dështuar të Dianës me Princin Charles. Pothuajse 40% e popullsisë së Mbretërisë së Bashkuar ndoqën intervistën, dhe si rezultat, imazhi i monarkisë u dëmtua ndjeshëm.

Dy dekada e gjysmë më vonë, djali i saj Princ Harry dhe gruaja e tij, Megan Markle bënë të njëjtin veprim, pasi lanë familjen mbretërore, duke u ulur me moderatoren Oprah Winfrey në një bisedë që zgjati rreth dy orë. Gjatë intervistës u fol për periudhën në të cilën ata jetuan si çift në pallatin mbretëror, dhe shumë deklarata të tyre bënë xhiron e rrjetin dhe patën ndikim në imazhin e monarkisë.

Të dyja luftuan me probleme të shëndetit mendor, ku Markle pohoi se kishte menduar vetëvrasjen si zgjidhje të presionit që ndjente në pallatin mbretëror. Princeshë Diana pranoi gjatë intervistës së saj se vuante nga depresioni.

Ato të dyja kishin vëmendjen e pashmangshme të shtypit, ku shpesh janë përndjekur nga paparazët për të marrë çdo imazh të tyre duke i ndjekur në çdo eveniment qoftë zyrtar a jo.

Gjuha që përdorën të dy gratë është e ngjashme.

“Ju mendoni se keni njohuri për atë që po vjen përpara,”– i tha Princesha Diana Bashir në 1995.

“Unë nuk e kuptova plotësisht se çfarë pune ishte”,- tha Dukesha e Sussex për Oprah Winfrey në 2021.

Meghan ishte rrethuar nga vëmendja negative e shtypit dhe talljet raciste të mediave sociale. Princesha Diana kishte botuar bisedat e saj private telefonike dhe u quajt e paqëndrueshme nga shtypi.

Si Princeshë Diana ashtu edhe Sussexes nënkuptuan se turnet përkatëse në Australi shkaktuan xhelozi brenda monarkisë.

Sa më shumë që gjërat ndryshojnë, aq më shumë ato qëndrojnë të njëjta. Dy breza të njëpasnjëshëm të shikuesve janë ndeshur me kuptimin se sa dhimbje mund t’u shkaktojë një institucioni të fuqishëm vetë njerëzve që e popullojnë atë.

(d.a/dosja.al)