“Ti mos em thuj se nuk don mo, don mo. Veç se ke ni se une jom nxon, se për ty une dal, ku po shihemi vajzo!”– thuhet në refrenin e këngës së re të Ledri Vulës, që na fiksoi të gjithve që me dëgjimin e parë. Ky projekt mban titullin “Don mo” dhe sikurse i ka hije këngëve të këtij sezoni është ritmike, e me siguri do na shoqërojë gjatë gjithë muajve të ardhshme. Klipi është xhiruar në Dubai, teksa protagoniste e tij është modelja Morena Taraku. Ky është projekti i parë muzikor i Ledrit i publikuar këtë vit dhe duket është pritur shumë mirë nga publiku.

Kujtojmë se pak ditë më parë Ledri publikoi një sekuencë të shkurtër të kësaj kënge, që u bë virale ende pa u lançuar. Fansa të shumtë të reperit po bëjnë video në TikTok dhe rrjete të tjera sociale duke kënduar e kërcyer. Po ashtu, është zbuluar se shumë shpejt reperi do sjellë një bashkëpunim me Kidën, por nuk ka ende detaje rreth tij. Ndërkohë, po ju lëmë të shijoni “Don mo”.

/News31