Forbes shpalli edhe për këtë vit listën me 100 gratë më të fuqishme në botë. Lista përmban CEO, gra që punojnë në sektorin e argëtimit, filantrope dhe politikëbërëse me ndikim.

Për të dytin vit radhazi, presidentja e Komisionit Europian, Ursula von der Leyen kryeson listën, e ndjekur nga presidentja e Bankës Qendrore Europiane, Christine Lagarde dhe zëvendëspresidentja e SHBA-së, Kamala Harris.

Kryeministrja e Italisë, Giorgia Meloni renditet në vendin e katërt, e ndjekur nga Taylor Swift në vendin e pestë.

Për herë të parë që nga fillimi i përpilimit të listës, Taylor shënoi herën e parë që një artiste ka hyrë në pesëshen e parë. Vitin e kaluar, Taylor u rendin në vendin 79.

Gratë e paraqitura në renditjen e vitit 2023 përfaqësojnë gjashtë kategori: biznes, teknologji, financë, media dhe argëtim, politikë dhe filantropi. Për të përcaktuar renditjen brenda secilës kategori, si dhe renditjen e përgjithshme në listë, Forbes mori në konsideratë paratë, mediat, ndikimin etj.

Anabelmagazine