Dj Sardi na tregoi para pak javësh se do të bëhej baba për herë të parë. Ai konfirmoi lajmin e ëmbël përmes disa fotove shumë të bukura, të publikuara në Instagram, me partneren e tij që ekspozonte barkun e rrumbullakosur.

Ai shprehej i emocionuar dhe se mezi priste ditën që ta mbante në krahë bebushin.

Por, sot, pritja e ëmbël ka marrë fund! Djali ka ardhur në jetë, dhe Sardi ka ndarë me ndjekësit foton e parë me të, teksa e mban në krahë. Ai dhe partnerja, Jonisa, e kanë pagëzuar vogëlushin me emrin Zais Denzel.

“E gjithë bota mu shemb përpara teje. Zais Denzel Shehu. 22.01.2022”, ka shkruar ai krahas fotos.

Kujtojmë që DJ dhe partnerja e tij, Jonisa janë prej kohësh në një lidhje dashurie. Ai ka treguar më herët se njiheshin që nga koha e gjimnazit dhe pasi u takuan vite më vonë me njëri-tjetrin vendosën që të lidheshin, e tanimë nga kjo dashuri ka ardhur në jetë Zais Denzel!

/News31