Aktorja e humorit, Delinda Disha, u bë e njohur për publikun me rolet e saj në emisionin “Portokalli”.

Këtë sezon të ri televiziv, Delinda firmosi kontratën e re me “Tv Klan”, duke u bërë pjesë e spektaklit “Klanifornia”.

Mirëpo, “Top Channel” e ka paditur aktoren 6 muaj pas largimit të saj.

Sipas “Syri.net”, shkak është bërë kontrata e punës së Delindës me “Top Channel”, e cila niste në vitin 2017 dhe përfundonte në vitin 2019.

Mirëpo, sipas “Syrit”, Delinda ka paraqitur vetëm kontratën 1-vjeçare 2017-2018, ndërkohë që ka nisur punën e re në “Tv Klan”.

Duket se kjo është bërë problem për aktoren, e cila është paditur në Gjykatën e Rrethit në Tiranë nga televizioni “Top Channel”.

Megjithatë, Delinda ka zgjedhur të mos reagojë lidhur me këto lajme, ndërkohë që vazhdon të jetë pjesë e “Klanifornias”.