Dashi
Ditë e turbullt për të gjithë ata që janë në çift. Do jeni me humor të keq që në mëngjes dhe do e kritikoni pa fund atë që keni në krah. Beqarët nuk duhet të hedhin asnjë hap sepse nuk është momenti i duhur. Buxheti nuk do jetë aspak problematik.

Demi
Hëna do ndikojë negativisht tek lidhja juaj sot kështu që pritet një ditë e trazuar. Nuk do hapni rrugë në asnjë moment dhe kokëfortësia do ju karakterizojë gjithë kohës. Beqarët do jenë sensualë dhe do bien në sy prandaj dhe mundësitë për takime do jenë goxha interesante.

Binjakët
Edhe pse partneri/ja do ju kushtojë më tepër vëmendje dhe do mundohet që ju të ndiheni sa më mirë, ju nuk do i vlerësoni përpjekjet e tij/saj. Në mbrëmje do keni debate të forta. Beqarët nuk do kenë aspak fat dhe sërish do mbeten vetëm.

Gaforrja
Asgjë e veçantë nuk do ndodhë gjatë kësaj dite në jetën tuaj në çift kështu që merrini gjërat shtruar dhe bëni atë që do ndjeni për momentin. Beqarët do koleksionojnë zemra dhe do marrin kohën e nevojshme për të zgjedhur personin e duhur.

Luani
Gjatë kësaj dite do kaloni më tepër kohë pranë atij/asaj që dashuroni dhe do ndiheni më së miri në krahët e tij. Përkëdheljet dhe ledhatimet do ju bëjnë të ndiheni më të dëshiruara. Beqarët do kenë takime premtuese dhe mjaft emocionuese.

Virgjëresha
Ditë e qëndrueshme dhe pa mosmarrëveshje kjo e sotmja për të dashuruarit. Do ndiheni me fat që keni në krah dikë si partneri/ja që ju mbroj dhe ju bën gjithmonë të ndiheni mirë. Beqarët me shumë gjasë do kenë dashuri me shikim të parë kështu që duhet të përgatiten.

Peshorja
Jeta në çift do ju sjellë emocione dhe kënaqësi të papërshkrueshme gjatë kësaj dite. Pasioni do jetë i zjarrtë dhe do ju kujtojë fillimet e lidhjes. Beqarët do kenë mundësi me shumicë për të filluar aventura, por asgjë më tepër sesa kaq. Financat do fillojnë dalëngadalë të përmirësohen.

Akrepi
Rutina do e pushtojë gjatë gjithë kohës jetën tuaj në çift gjatë kësaj dite. Nuk do ndiheni mirë për këtë fakt dhe shpeshherë trishtimi do ju pushtojë. Beqarët nuk duhet të mbyllen në vetvete, por ta hapin zemrën e të pranojnë ftesat që do ju bëhen. Financat do jenë mjaft të ekuilibruara.

Shigjetari
Mos lejoni njerëzit e huaj të ndikojnë në lidhjen që keni krijuar sepse do ju prishin punë. Mundohuni që ta zgjidhni gjithçka vetë sepse në këtë mënyrë do merrni edhe më tepër kënaqësi. Beqarët jo vetëm që do kenë takime, por mund të nisin edhe dashuri me shikim të parë.

Bricjapi
Ka shumë mundësi që marrëdhënia në çift të jetë shumë konfliktuale gjatë kësaj dite. Do kërkoni më shumë të drejta e pavarësi dhe kjo mund të mos i pëlqejë atij që keni në krah. Kujdes me ato që do thoni. Beqarët do kenë një ditë më pozitive dhe me emocione.

Ujori
Ditë shumë e lumtur dhe plot ngjyra kjo për të dashuruarit. Nuk do ketë mosmarrëveshje, përkundrazi falë një komunikimi të mirë do arrini t’i zgjidhni edhe disa pengje që ju kishin mbetur. Beqarët duhet të jenë të kujdesshëm dhe t’i mendojnë mirë propozimet që do ju bëhen.

Peshqit
Fatmirësisht ndikimi i Hënës tek jeta juaj në çift do jetë pozitiv gjatë kësaj dite. Do tregoheni mjaft tolerantë dhe do e respektoni mendimin e tjetrit. Ata që janë vetëm do kenë disa takime mbresëlënëse dhe mjaft interesante. Sektori që lidhet me të ardhurat do jetë shumëm i qëndrueshëm.