Bora Zemani ka qenë që prej fillimit të “Përputhen” në drejtim të programit, shpesh herë duke u bërë edhe pjesë e debateve në studio dhe diskutimeve.

Gjithsesi duket se gjërat do të ndryshojnë në strukturën e formatit, të paktën për disa kohë. Burime për “Zemra e Tiranës” thonë se Bora ka munguar në xhirimet e fundit të emisionit dhe në vend të saj është parë në studion e formatit të ndjekur, në rolin e moderatores, Fatma Haxhialiu. Kështu, mësohet se Haxhialiu, e cila deri më tani ka qenë si opinioniste e “Prime”, do të jetë në drejtim të emisionit jo pak, por për plot 2 javë.

Kjo pasi Zemani ka rezultuar pozitive me Covid-19 dhe për shkak të pamundësisë për të qenë prezente, roli i saj i është besuar Fatmës. Në fakt në këtë sezon, kjo do të jetë hera e parë që Për’puthen do drejtohet nga një moderator tjetër dhe ky është një test, jo vetëm për Haxhialuin, por edhe për produksionin.

/News31