Në moshën 73-vjeçare, David Foster jo vetëm që po përshtatet me idenë e prindërimit të një fëmije në këtë fazë të jetës së tij (rreth 2 vjeç), por gjithashtu po përpiqet të kuptojë se si të rrisë një djalë për herë të pare, pasi është baba i 5 vajzave.

Duke qenë se vajza e tij më e madhe është tashmë 52 vjeç, mund të themi se producenti fitues i çmimeve Grammy ka një përvojë prej shumë dekadash në fushën e prindërimit.

Foster mirëpriti djalin e tij, Rennie, me gruan, Katharine McPhee, në shkurt 2021. Dhe pavarësisht diferencës së tyre 35-vjeçare në moshë, çifti është thellësisht i dashuruar dhe nuk duket se shqetësohet nga komentet në lidhje me diferencën e madhe në moshë.

Megjithatë, kur bëhet fjalë për t’u bërë baba në këtë moshë, producenti është i vetëdijshëm për sfidat që mund të sjellë. Ai pranon:

“Unë nuk do të jem aty kur ai të jetë 50 ose 40 vjeç, ose ndoshta 30”.

Megjithatë Foster po zgjedh të shohë anën e mirë të prindërimit të vonë, duke thënë:

“Mendoj se mund t’i ofroj atij mençuri nga 72 vitet e mia në planet. Dhe ndoshta ky nuk është një shkëmbim i keq. Shpresoj.”

Përveç mençurisë, Foster beson gjithashtu se durimi është një cilësi tjetër e rëndësishme që ai fitoi me moshën dhe përvojën dhe që mund t’ia përcjellë të birit.

Burimi: Bright Side
Anabelmagazine