“Përputhen” vazhdon të mbetet një nga rubrikat më interesante dhe më të ndjekura në “E diell”. Pas pushimeve të festave të Fundvitit, episodi i sotëm tregoi se dinamika e këtij programi sa vjen e shtohet.

Përveç hyrjes së një konkurrenti të ri dhe takimeve respektive që Ina dhe Antoneta kanë pasur gjatë javës, mes tyre ndodhi edhe një përplasje e vogël si në asnjë puntatë tjetër.

Në fundin e emisionit kur vajzat duhet të zgjidhnin partnerin e javës, Ina mori fjalën e para. “Meqë fansat e Antonetës janë bërë merak pse zgjedh unë gjithmonë e para djalin për date, deklaroj dhe propozoj që çdo javë në vijim ta zgjedhë Antoneta e para” – përfundoi ajo teksa u pasua menjëherë nga një reagim i Antonetës: “Çfarë ishte kjo ironi? Ma shpjego pak?”. Ina nuk preferoi ta zgjaste edhe më tepër duke i thënë Antonetës se nuk donte ta kthente në debat dhe ajo s’kishte pse reagonte keq sepse thjesht iu përgjigj fansave të saj.

Edhe episodi i sotëm përfundoi sigurisht me disa këshilla të vlefshme nga opinionisti Olti Curri i cili më së shumti këshilloi djemtë që të bëjnë ironi apo “lojëra” me djemtë, sepse ata kanë konkurrentë dhe jo me Inën e Antonetën të cilat supozohet të gjejnë tek ata shpirtin binjak. /News31.al