Edhe pse ishte Miley Cyrus ajo që shprehu dëshirën për të puthur me qejf Harry Style, është dikush tjetër që po e bën vërtet.

2021-in, Harry po e fillon me Olivia Wilde! Dyshja u pa shumë pranë njëri-tjetrit gjatë dasmës së një mikut të tij, por zërat thonë se romanca ka disa javë që ka lindur.

Këngëtari po punon aktualisht me filmin e Wilde, Don’t Worry Darling dhe duket se ky bashkëpunim i ka afruar edhe më shumë. Burime pranë tyre i përshkruajnë si “shumë afër njëri tjetrit” dhe “shumë të lumtur”.

Nëse duart e shtrënguara apo sytë me xixa nuk flasin për dashuri të re, atëherë nuk e dimë çfarë.

Shtoji kësaj faktin që ajo ka qenë shoqëruesja e Harry-it në dasmën e shokut, një detaj i rëndësishëm që thotë shumë për çiftin më të ri të showbiz-it.

Olivia Wilde, në nëntor të vitit të shkuar u nda nga i fejuari i 9 viteve Jason Sudeikis, për t’i lënë radhën djalit më të përmendur së fundmi: Harry Styles!

Burimi: Cosmopolitan