Luana Vjollca është një ndër moderatoret më të dashura televizive dhe me mjaft fansa në rrjetet sociale.Por që prej janarit të vitit 2021, Luana Vjollca ka qëndruar larg ekranit.

Pas përfundimit të edicionit të katërt të “Shiko Kush Luan”, bukuroshja nuk u pa më në Top-Channel edhe pse u përfol që do ta drejtonte ajo Big Brother Vip.

Ajo bëri një pauzë në ekran, por jo në rrjetet sociale ku ka qenë mjaft aktive. Mësohet se Luana së shpejti do ta shohim në një ekran të ri.

Ajo do të drejtojë emisionin e ri “Piranjat” që pritet të nisë së shpejti në Abc Neës. Flitet se Luana do ta ndajë këtë eksperiencë me gazetarin, Berat Buzhala. Kudo ku ka shkuar Luana ka pasur sukses.

E njëjta gjë mund të thuhet edhe për Berat Buzhalën, një gazetar me shumë përvojë dhe që gjithmonë bën lajm me qëndrimet dhe deklaratat e tij.

Do jetë shumë interesante të shohim si do përshtaten me njëri-tjetrin, Luana dhe Berati, pasi të dy janë mësuar të jenë vetë protagonistë në emisionet e tyre të mëparshëm.