Një baba i pesë fëmijëve ka ndezur një debat të furishëm pasi shpërndau një video të tij duke përdorur një lidhëse për të marrë në shëtitje pesënjakët e tij.

Jordan Driskell, 31 vjeç, nga Kentaki, kohët e fundit ngarkoi klipin në Instagram, i cili e tregonte atë duke ecur me pesë fëmijët e tij të vegjël – Zoey, Dakota, Hollyn, Asher dhe Gavin.

Megjithatë, klipi nxiti shpejt reagime të mëdha nga shikuesit – shumë prej të cilëve për faktin se të vegjëlit mbanin të gjithë lidhëse, duke u siguruar që ata të mos mund të largoheshin, të iknin ose të humbisnin.

“Kur njerëzit më gjykojnë për përdorimin e zinxhirëve të fëmijëve”, ka shkruar ai në video, teksa në sfond luhej kënga Vegas nga Doja Cat.

“Ejani një milje me këpucët e mia”, shkroi ai. Videoja në Instagram u bë shpejt virale – duke fituar më shumë se tre milionë shikime – dhe nisi një debat midis përdoruesve të Instagramit.

Disa prej tyre e ‘respektuan’ vendimin e babait për të përdorur lidhëse për fëmijët e tij dhe të tjerë që e sulmuan atë për të, duke theksuar se ata janë ‘njerëz jo qen’.