Këngëtarja Ronela Hajati mori shumë urime pasi postoi një fotografi me buqetë të madhe lulesh në dorë, në profilin e saj në Instagram. Por, urimi më i mirë i erdhi nga Young Zerka, këngëtarin me të cilin Ronela thuhet se është në lidhje edhe pse asnjëherë nuk u konfirmua nga ata. Megjithatë, fjalët që Zerka ia kushtoi këngëtares, vërtetojnë lidhjen e tyre të fortë dhe dashurinë që kanë mes njëri-tjetrit. “Gëzuar ditëlindjen për partneren time të çmuar. Të dëshiroj çdo të mirë vajzë, gjithmonë. Ka shumë gjëra të bukura që po presin për ty, sepse ti i meriton. Qëndro gjithmonë me humor dhe produktive. Dhe meqë ra fjala, po dukemi shumë mirë në këtë fotografi”. Pasi Ronela e pa këtë postim, ajo ia ktheu komentin kështu: ‘Fernando miooo’, shkruan Prive. Edhe pse asnjëri prej tyre nuk doli me një deklaratë rreth lidhjes, çifti po duket shumë mirë dhe i lumtur.