Një video e modifikuar që tregonte presidentin e Ukrainës, Volodimir Zelenskiy duke u dorëzuar publikisht ndaj kërkesave të Rusisë po qarkullonte gjerësisht sot, duke shkaktuar shqetësimin e ekspertëve se së shpejti mund të shfaqen video më të sofistikuara, por të rrejshme.

Videoja dukej se tregonte një Zelenskiy me fytyrë të zbehtë duke folur nga foltorja presidenciale dhe duke u kërkuar bashkatdhetarëve të tij të ulin armët përballë pushtuesve rusë.

Përdoruesit e internetit vunë re menjëherë mospërputhjet midis ngjyrës së lëkurës në qafën dhe fytyrën e Zelenskiy, theksin e çuditshëm në video dhe ndryshimin e figurës rreth kokës së tij.

©LAPSI.al