Një koleksion bizhuterish që Elvis Presley i dha menaxherit të tij, kolonelit Tom Parker, dhe që mungonte prej mbi 50 vjetësh është bashkuar dhe tashmë është gati për në ankand.

Janë 200 bizhuteri, përfshirë unaza floriri me gurë të çmuar, mansheta, orë dhe zinxhirë përbëjnë këtë koleksion.

Pjesa më e madhe u sigurua nga ish-bashkëshortja e Elvisit, Priscilla.

“Këtë koleksion e kishte gruaja e kolonelit, Loan Parker. Ajo ndërroi jetë dhe një person i caktuar e kishte marrë dhe e kishte mbajtur larg dhe e fshehu për një kohë dhe ne tani e gjetëm prandaj tashmë është e gjitha gati për t’u ekspozuar.
Elvisi i pëlqente bizhuteritë, ne të gjithë e dimë, por unazat dhe pjesët me të vërtetë sjellin gëzim. Ai ka një çakmak këtu që unë absolutisht e dua … dhe e mbaj mend mjaft mirë”.

Presley thotë se ishte një shaka mes saj dhe Elvisit që ai vazhdimisht blinte ose porosiste bizhuteri për kolonelin Parker. Ajo thotë se ai kishte gjithçka që i nevojitej dhe ata nuk dinin çfarë t’i blinin tjetër.

“Kolonelit nuk i pëlqenin bizhuteritë, ai nuk mbante bizhuteri dhe Elvisi i jepte gjithmonë bizhuteri, dhe kjo është pjesë e atij koleksioni. Tani, ai mund ta ketë vënë një bizhuteri kur Elvis ishte aty herë pas here. Elvis i zgjodhi vetë dhe mendoj se pjesa më e rëndësishme për mua është se ishte ai në fakt që i zgjodhi unazat apo të tjerat”.

Edhe pse Priscilla Presley është shumë mbrojtëse ndaj koleksionit, ajo nuk zotëron asnjë prej tij. Megjithatë, ajo projektoi disa nga bizhuteritë që do të dalin në ankand. Ajo krijoi dhe logon për TCB (Taking Care of Business), që ishte emri i grupit që shoqëronte Presley-n në performancat e tij.

Priscila thotë se një nga arsyet që ajo po e mbështet ankandin është sepse është mërzitur duke parë objekte të rreme të Elvisit duke u shitur. Ankandi i cili përfshin kitarën e mbajtur nga Elvisi gjatë Comeback Special, do të mbahet më 27 gusht./a2news.com

ObserverKult