Njerëzit që janë gjithmonë me vonesë nuk po përpiqen të mos ju respektojnë, sipas studiuesve.

Psikologjikisht, ekzistojnë vetëm 2 lloje të njerëzve.
Lloji i parë (tipi A) është më agresiv, vetë-kritik, konkurrues dhe i ndjeshëm ndaj kohës. Lloji i dytë (tipi B) ka tendencë të jetë vonë, i/e duruar dhe i/e qetë. Në të njëjtën kohë, ata kanë atribute që i ndihmojnë ata të jenë më të suksesshëm.

Ne vendosëm të studiojmë këtë temë dhe të gjejmë një shpjegim se pse njerëzit që vonohen mund të jenë shumë me fat nga ana profesionale.

Sepse janë më kreativë

Personalitetet e tipit B shprehin një nivel më të lartë të imagjinatës. Kjo është veçanërisht e dobishme për ta në punë krijuese. Ata nuk kanë frikë të thyejnë një rregull dhe të shkojnë jashtë kufijve. Tendenca është të shikojnë pamjen në tërësi dhe të mos i përmbahen detajeve. Ky është një tipar personaliteti i sipërmarrësve dhe udhëheqësve që bëhen më të suksesshëm se të tjerët.

Gjatë punës, ata mund të humbasin të gjithë sensin e kohës, por pavarësisht kësaj, ata mund të performojnë në nivele të larta dhe të marrin rezultate vërtet të shkëlqyera.

Sepse janë optimistë

Studimet zbuluan se njerëzit që vonohen mund të jenë më optimistë. Për shkak të kësaj cilësie, ata kanë më shumë tendencë për të pasur sukses në jetë dhe për të mos hequr dorë.

Psikologu Martin Seligman kreu një hulumtim që tregoi se shitësit më optimistë shisnin 88% më shumë sesa ata më pesimistët. Në thelb, optimistët vazhdojnë të ecin përpara, edhe nëse ka një problem sepse gjithmonë besojnë se ka një mundësi.

Sepse bëjnë disa punë njëherësh

Nëse shoku juaj është gjithmonë vonë, me siguri nuk është sepse janë dembel. Ka disa njerëz që përpiqen të bëjnë gjithçka njëherësh, gjë që i bën ata të kenë sukses. Të bërit disa punë njëherësh shpesh bën që ata të humbasin sensin e tyre të kohës.

Ju duhet ta keni këtë cilësi nën kontroll dhe të përpiqeni ta organizoni ditën në atë mënyrë që është e mirë për të gjithë dhe të mos e lini askënd të presë.

Sepse janë më të relaksuar

Një personalitet i tipit B është më i qetë sepse ato kanë një nivel më të ulët të ankthit. Kjo i bën ata t’i rezistojnë më mirë stresit. Nëse ka diçka urgjente, ata nuk do t’i kapë paniku. Kjo cilësi është shumë e rëndësishme në punë sepse më pak stres, do të thotë punë më e mirë.

Mund të jenë vonë, por do të bëjnë më pak gabime. Nuk ka asgjë që nuk mund të presë.

Sepse ata janë perfeksionistë

Ju po përgatiteni për një takim. Ju ndërroni këmishën tuaj, me pas rregulloni makijazhin tuaj, pastaj kontrolloni dy herë për të parë nëse e keni fikur hekurin. Në fund të gjithë kësaj, ju jeni vonë.

Një studim tjetër sugjeron që të kesh zakonin të bësh gjithçka në mënyrë perfekte të bën të vonosh, por të bën një punëtor të mirë. Ju nuk lini asgjë në gjysmë të rrugës dhe përpiqeni të përfundoni punën tuaj në mënyrë të përsosur. Nuk është çudi pse njerëzit të tillë rriten në pozicione pune.