Lajmi i përdhunimit të një 15-vjeçare nga Tirana nga roja i shkollës, Abaz Doga tronditi mbarë opinionin publik pas zbulimit nga policia, e cila e vuri në pranga 65 vjeçarin dhe tre të rinj bashkëpunëtor të tij.

Hetimet zbuluan se ish-roja i shkollës, 65-vjeçari, Abaz Dogu, ua kishte shpërndarë videon intime edhe tre të rinjve, të cilët shantazhuan të miturën, duke e detyruar të kryejë marrëdhënie seksuale edhe me ta për një kohë të gjatë nga frika e publikimit të videos.

Së fundmi JOQ ka publikuar një video ku Abaz Dogu shihet teksa këndon në një aktivitet festiv në shkollën, ku ishte roje më parë.

Pedofili 65-vjeçar ka marrë mikrofonin në dorë dhe shfaqet duke u kënduar nxënësve të shkollës 9-vjeçare këngën “Zemër” të Dhurata Dorës.