Një incident i rëndë është shënuar në koncertin e Butrint Imerit. Artisti ka qenë i ftuar në New York, ku ka interpretuar në një nga clubet e këtij vendi. E natyrisht që shumë shqiptar ishin mbledhur për të dëgjuar një nga emrat më të njohur të muzikës shqiptare.

Por duket se jo gjithçka ka shkuar ashtu si duhet. Një video po qarkullon online, ku shihet sesi Butrinti qëllohet me një shishe në kokë.

Nuk dihet nëse ky incident ka qenë një nxehje e momentit, pas efektit të alkolit, apo dikush ‘e ka pritur’ këngëtarin për ta dhunuar. Megjithatë për fat të mirë asgjë serioze nuk i ka ndodhur këngëtarit, që ka vijuar të performojë, pasi ka fërkuar për pak kokën e qëlluar. Deri më tani nuk ka asnjë reagim nga ai për këtë ngjarje të shëmtuar.