Deputetja e Partisë Socialiste, Klotilda Bushka paraqitet në Prokurorinë e Posaçme.

Ajo është nën hetim për pengim të hetimeve për kryebashkiakun, Erion Veliaj.

Pas arrestimit të kryebashkiakut, demokratët kërkuan largimin e Bushkës nga kryesimi i Komisionit të Ligjeve.

Kujtojmë se deputetja e PS, është marrë nën hetim nga SPAK dhe akuzohet për kryerjen e veprimeve aktive “që pengojnë zbulimin e së vërtetës” në rastin e dosjes së Veliajt.

Sipas SPAK, është konstatuar se ekzistojnë të dhëna konkrete të cilat të çojnë tek dyshimi i arsyeshëm se Klotilda Bushka ka kryer veprime aktive të kundërligjshme të cilat kanë interferuar me hetimin e organit procedues në lidhje me procedimin penal nr. 27 të vitit 2024.

voxnews.al