Fotografi i famshëm i VIP-ave, Peter Lindbergh, ka ndërruar jetë në moshën 74-vjeçare.

Fotografi gjerman humbi jetën një ditë më parë, por lajmi i hidhur u bë i ditur sot nga familjarët, nëpërmjet një postimi në profilin e tij në “Instagram”.

Deri tani nuk është zbuluar shkaku i vdekjes së 74-vjeçarit, por persona të shumtë kanë shprehur ngushëllimet e tyre përmes komenteve.

Ndërkohë nga ana tjetër, kujtojmë se Peter Lindbergh është cilësuar si një ndër artistët më kontemporanë dhe influencues në imazhet kinematografike dhe fotot e modës.

Në tetor të vitit 2017, ai fotografoi dukeshën e Sussex, Meghan Markle, për kopertinën e revistës “Vanity Fair”.