Vajza e ministres izraelite të Vendbanimeve dhe Misioneve Kombëtare, Orit Strook, ka akuzuar prindërit e saj dhe një nga vëllezërit e saj se e kanë sulmuar seksualisht.

Shoshana Strook tha në një deklaratë se ka paraqitur një ankesë në Itali, duke shtuar se shpreson të gjejë “një lehtësim”, shkruajnë mediat e huaja, përcjell Telegrafi.

“Pas një periudhe të gjatë dyshimi dhe gjendjesh emocionale ekstreme, doja të tregoja se kam përjetuar abuzim seksual nga të dy prindërit dhe një nga vëllezërit e mi”, citohet të ketë thënë Strook.

“Aktualisht jam në Itali dhe së fundmi kam bërë kallëzim në polici”.

 

View this post on Instagram

 

A post shared by TRT Balkan AL (@trtbalkanal)

Strook tha gjithashtu se kujtimet që i vijnë kohët e fundit po “bëhen shumë dërrmuese”, duke kujtuar njërën prej të cilave ajo goditi tre nga vëllezërit e saj më të vegjël.

“Shpresoj të gjej një vend ku mund të kem pak lehtësim”, tha ajo.

Strook nuk ka treguar se cili vëlla e ka sulmuar seksualisht.

Megjithatë, një nga vëllezërit e saj, Zviki Strook, thuhet se është akuzuar për rrëmbimin dhe torturimin e një djali palestinez në vitin 2007.

Nëna e Shoshanës, Orit Strook është një mbështetëse e vendosur e vendbanimeve të paligjshme të Izraelit në Bregun Perëndimor të pushtuar.

Ironikisht, ajo shtyu pa pushim narrativën e kryeministrit Benjamin Netanyahu se grupi palestinez i rezistencës Hamas kreu sulm seksual më 7 tetor 2023.

Në shkurt 2024, ajo tha në mënyrë famëkeqe: “Nuk ka gjë të tillë si një popull palestinez”.

tpz.al