Binjakët Romeo dhe Donald Veshaj fillimet e tyre si aktorë humori i patën në Alpazar, drejtuar nga Agron Llakaj. Aty nisi edhe rrugëtimi i tyre për t’u kthyer në një dyshe shumë të mirë televizive. Pas largimit nga spektakli u fol se djemtë janë larguar me “sherr”. U dhanë disa deklarata nga të dyja palët, si nga Agron Llakaj ashtu edhe nga binjakët Veshaj lidhur me pakënaqësi e zhgënjime.

Ditën e sotme në festën e mësuesit, Romeo Veshaj vendosi t’i shprehë mirënjohjen aktorit të humorit Agron Llakaj duke e cilësuar si mësuesin e tyre.

Mesa duket pakënaqësitë janë sqaruar dhe Romeo zgjodhi festën e mësuesit për t’i treguar se mbi të gjitha, falë tij janë aty ku janë sot.