![](https://story.al/wp-content/uploads/2024/05/He-1.jpg)
U ftua apo jo nga “Big Brother Vip Albania”? Massimiliano Varrese e konfirmon me këtë video
Ftesa ose jo e “Big Brother Vip Albania” për të, është përfolur kudo në rrjet. Mirëpo, me një video-mesazh të publikuar së fundmi, artisti italian Massimiliano Varrese, konfirmon se ka marrë një ftesë nga produksioni.
Siç shpjegon ai, ftesa ka ardhur që ai të performojë këngët e tij në një nga netët live të spektaklit dhe jo për një përballje me Heidin, të cilës nuk i përmend as emrin.
Ai shton se do të vijë në Shqipëri pas datës 30 Maj për të kënduar muzikën e tij, pasi ka mësuar se ka shumë fansa në vendin tonë.
Kujtojmë se ish-banori i Grande Fratello, ka patur një raport më shumë sesa miqësor me Heidin në shtëpinë më të famshme, që bëri më pas bujë në media me largimin e saj nga loja, pas vizitës dhe kërkesës së babait të saj.
albeu.com