Mediat rumune kanë publikuar foton e modeles Angela Martini, që thuhet se ka qenë edhe shkak i arrestimit të burrit të saj Dragos Savulescun në Mykonos të Greqisë.

Në foto duket modelja shqiptare, ndërsa në cep bashkëshorti i saj.

Savulescu ishte shpallur në kërkim nga autoritetet rumune, pasi ishte dënuar për përvetësim të fondeve publike.

Fotoja e Angela Martini, me rreth te kuq bashkeshorti i saj

Ka qenë modelja shqiptare ajo që ka zbuluar herë pas here foto, ku shihej edhe bashkëshorti i saj.

Tashmë Angela Martini ka fshirë të gjitha “story-t” dhe lokacionet nga fotografitë e saj.

Dragoș Savulescu, në fillim të vitit 2019 u arrestua dhe u dënua me 5.5 vjet burg për përvetësim, së bashku me ish-kryebashkiakun e Konstancës dhe të pandehur të tjerë që u shpallën fajtorë për përvetësimin e një totali prej 114 milionë eurosh.

Urdhri i arrestit për Savulescu u lëshua nga Interpoli me kërkesë të autoriteteve rumune për pjesëmarrje në një organizatë kriminale dhe për mashtrim kundër shtetit.