Sipas gazetës italiane “La Verita”, hetuesit kundër pastrimit të parave po fokusohen në transaksionet e dyshimta bankare të kryera nga legjenda e Romës dhe Italisë, Francesco Totti.

Totti thuhet se është i përfshirë në ‘transaksione të dyshimta të raportuara nga Oficerët e Kundër Pastrimit të Parave’ dhe hetuesit kanë qenë duke shqyrtuar llogaritë e tij bankare.

Sipas raportit, Totti i dërgoi në gusht 80 mijë euro një pensionisti në Anzio, vjehrra e një burri që konsiderohet shumë i afërt me ish-sulmuesin e Romës. Në të njëjtën ditë, shuma i është dërguar shokut të Tottit, punonjës i Ministrisë së Brendshme.

Pasi u tërhoq si futbollist profesionist, Totti-t i lejohet qartë të luajë kumar, por hetuesit kanë dyshime të forta në lidhje me destinacionin e vërtetë të parave nga fituesi i Kupës së Botës të Italisë në vitin 2006.

Sipas raportit, ka më shumë transaksione të dyshimta me vlerë miliona, që përfshijnë Tottin dhe mikun e tij, të identifikuar si DM, të cilat përfshijnë gjithashtu “Malta limited”, “Malta limited online” dhe “Sa.Pa. Srl” dhe kompanitë që zotërojnë kazino në Las Vegas, Montecarlo dhe Londër.

Avokatët e Tottit kanë mohuar akuzat duke shpjeguar se ish-futbollisti ka bërë pagesa për të financuar ditët e tij në kazino në Monte Carlo si ‘tifoz i lojërave të fatit’./ h.ll/abcnews.al