Si çdo të diel edhe ditën e sotme “E Diell” ka ardhur me një temë mjaft pikante. “Të ardhurit në Tiranë”, ishte tema e cila solli mjaft debate në studio. Për gazetarin Ronaldo Sharka të ardhurit në kryeqytet janë më të suksseshëm se “tironsit”.

Dhe për të arsyetuar këtë mendim të tij Ronaldo tha se po të marrësh të gjithë personat e medias, politikanët apo dhe biznesmenët, 90% e tyre nuk janë nga Tirana, por janë të ardhur në kryeqytet.

“Shumica e tironsve nuk janë aq të suksseshëm sa janë njerëzit e ardhur. Ti shohësh të jgithë njerëit në media, politikë biznesmenë, njerëzit më të pasur në Shqipëri, 90% e tyre nuk janë nga Tirana”, tha ai. Kjo deklaratë e gazetarit solli mjaft replika në studio ku pati dhe kundërshtime mbi këtë “konstatim” të Ronaldos.