Britney Spears dëshironte një martesë si në përralla – por përfundoi duke mbetur e vetme për muaj të tërë, sipas burimeve.

Princesha e popit u martua me Sam Asghari në një ceremoni të bukur, por kishte shenja të qarta se martesa do dështonte që në fillim.

Vetëm tre orë përpara se t’i thoshin “Po” njëri-tjetrit më 9 qershor 2022, Jason Alexander, burri i parë i Spears prej vetëm 55 orësh, hyri në shtëpinë e saj ndërsa ishte i armatosur me një thikë dhe arriti deri në derën e dhomës së saj. Kishte frikë se këngëtarja, e cila nuk e ka fshehur se ka pasur probleme me shëndetin e saj mendor, ishte e lodhur në ditën e saj të madhe. Ajo u pa nga një mysafir duke bërë fytyra të çuditshme ndërsa bënte betimet e saj.

“Kishte disa momente qesharake kur Britney po qesh me zotimet,” pranoi burimi. Por këtë javë martesa u shemb tërësisht pas vetëm 14 muajsh pasi Aghari paraqiti kërkesën për divorc mes një mori raportesh që pretendonin se këngëtarja e kishte sulmuar atë dhe e kishte tradhtuar me një punonjës. Pati pretendime se Asghari ishte gati të zbulonte sekretet e saj nëse ajo nuk do të paguante shumë më tepër para sesa i lejonte kontrata paramartesore e tyre.

“Page Six” raporton sot se Asghari ka jetuar veçmas nga Spears për muaj të tërë, ndërsa një burim i brendshëm tha: “Britney donte të jetonte një përrallë por ajo nuk e arriti atë. Ajo ndjeu se dashuria e Samit nuk ishte e pakushtëzuar. Sigurisht që ajo ndihet e zhgënjyer…kushdo do të ndihen ashtu kur partneri nuk ju ofron atë që meritoni. Ajo rezervoi pushime luksoze dhe pagoi për gjithçka, ata shkuan kudo me avion privat. Por ai nuk ishte i pranishëm. Ku ishte ai kur Britney po filmonte të gjitha videot e saj në Instagram? Ai thjesht zhdukej për muaj të tërë për të shkuar në xhirime dhe ajo mbetej vetëm. Kishte raste kur ai thjesht ngrihej dhe ikte.”

Pavarësisht raporteve se Asghari dyshonte se Spears e kishte tradhtuar atë – si dhe raportet se ajo e kishte sulmuar atë ndërsa ai flinte, burimi i brendshëm e mohoi këtë, duke thënë: “Nuk kishte asnjë tradhti nga Britney. Dhe ai është 1.87 cm i gjatë kurse ajo është 1.57 cm e gjatë, kështu që si mund ta sulmonte ajo?”