Juju Vieira, është një modele dhe influencere braziliane, e cila u bë virale pasi u dëbua nga Vatikani, sepse ishte tepër seksi dhe nuk kishte veshur “fustanin e duhur” për të vizituar Bazilikën e Shën Pjetrit

Modelja, emri i vërtetë i të cilës është, Juliet Scallop, ka shpërndarë një video në Instagram, ku shpjegon se një burrë iu afrua dhe i kërkoi të largohej nga qyteti.

“Një burrë që punonte atje m’u afrua dhe më tha se vendi ishte për lutje dhe se nuk isha veshur siç duhet dhe më kërkoi të dilja, më ‘përzuri’ nga Vatikani”, tregon ajo.

Ajo tregoi gjatë videos se ndihej në siklet për mungesën e respektit ndaj saj, pasi burri i ulëriti para të gjithëve në shesh. 34-vjeçarja kishte veshur një fustan-xhaketë të shkurtër dhe një palë çizme të zeza të gjata, teksa po vizitonte një nga vendet më të bukura në botë, Bazilikën e Shën Pjetrit.

“As nuk e dija se kishte rregulla. Një person me logjikë nuk do të vizitojë Vatikanin me rroba klubi. Isha elegante me rrobat e dimrit, gjithçka përputhej. Kisha veshur rroba komode me të cilat do të ndihesha mirë për shëtitjet e gjata. Rehatia ishte shqetësimi im i vetëm”, tregoi ajo për veshjen e saj.

Gjatë një interviste të bërë për mediat braziliane ajo tregoi se ishte e veshur mirë, madje shtoi se ajo është e besimit katolik dhe merr pjesë edhe në meshat e shenjta.

Pas këtij momenti të sikletshëm, modelja vendosi të fshijë të gjitha fotot nga rrjetet e tij sociale ku shfaqej brenda Vatikanit dhe la të publike vetëm fotot ku duket arkitektura e vendit.

Vieira është mjaft aktive në rrjetet sociale ku ka afër 27,000 ndjekës dhe më shumë se 200 postime.

Biondja seksi ndan në Instagram detaje nga jeta e saj personale ku nuk mungojnë foto të qyteteve të ndryshme botërore të cilat ajo i ka vizituar.