Në muajin janar të këtij viti, dolën lajmet se “Big Brother” do të rikthehej me një version VIP dhe zërat u vërtetuan kur “Top Channel” publikoi videon promovuese të spektaklit.
Mirëpo prej 4 muajsh “Big Brother VIP” sikur u harrua, çka bëri që të përflitet se është anuluar. Burime të “IMAlbania.com” bëjnë të ditur se spektakli do fillojë së shpejti dhe është i konfirmuar tashmë si pjesë e programeve të sezonit të ardhshëm televiziv. U tha se në shtëpinë e famshme do të futen banorë të edicioneve të kaluara që janë kthyer në VIP, por në të vërtetë në “Big Brother VIP” do hyjnë të famshëm që i shohim përditë në televizion dhe rrjete sociale. Përgatitjet kanë filluar, por data se kur nis spektakli nuk është zbuluar ende. Ndërkohë sa i përket prezantimit, thuhet se “Big Brother VIP” do ta moderojë Ledion Liço, shkruan gazeta Express.