Një studim i ri i botuar në revistën shkencore European Sociological Review me studiues nga disa universitete evropiane konfirmoi atë që shumë mund të ndjejnë vetëm duke vëzhguar menaxhmentin e kompanisë suaj. Deri në një pikë, inteligjenca dhe të ardhurat monetare janë vërtet të ndërlidhura. Por përtej kësaj ka edhe faktorë të tjerë që përcaktojnë suksesin financiar të një personi.

Në këtë studim të veçantë, shkencëtarët shqyrtuan të dhënat e 60,000 burrave suedezë, duke pasur akses në të ardhurat që deklaruan në zyrën e taksave, si dhe rezultatet e një testi special të inteligjencës që ata kryen gjatë regjistrimit të tyre në ushtri.

“Të dhënat që kemi marrë janë të pabesueshme”, thotë Mark Koisnig, një nga autorët e studimit. I cili ëahtë një profesor i sociologjisë në Universitetin e Lajpcigut dhe profesor i asociuar në Institutin për Sociologji Analitike në Universitetin Lindköping në Suedi. Ky pozicion i mundësoi atij edhe aksesin në të dhënat suedeze.

Korrelacioni i pagës dhe inteligjencës

Ndërsa të ardhurat vjetore janë më të lehta për t’u regjistruar, numërimi i inteligjencës është një proces më i ndërlikuar. Të gjithë pjesëmarrësit iu nënshtruan të njëjtit test nga mosha 18 deri në 19 vjeç. I ashtuquajturi “Testi i Kualifikimit të Forcave të Armatosura” (AFQT), një test kualifikimi i Forcave të Armatosura që përdoret nga ushtria suedeze për të vlerësuar aftësitë njohëse të të rinjve.

Profesor Koisnig i vjen keq që gratë nuk ishin pjesë e studimit të tij. Për të siguruar objektivitet, studiuesit morën parasysh vetëm të dhënat nga vitet në të cilat të gjithë burrat suedezë duhej t’i nënshtroheshin këtij testi.

“Ne i lidhëm masat e inteligjencës kur morëm këtë test të veçantë me masat e suksesit të tyre në tregun e punës më vonë në jetë,” shpjegon profesor Koisnig. Kjo praktikisht do të thotë se studiuesit ndjekin të ardhurat vjetore të meshkujve në një periudhë dhjetëvjeçare, ku pjesëmarrësit janë nga 35 deri në 45 vjeç, dhe nga kjo llogarisin mesataren e të ardhurave vjetore përkatëse.

Inteligjenca nuk është gjithçka

“Rezultatet treguan se ka tre nivele të ndryshme në tregun e punës,” vë në dukje profesor Koisnig. Deri në një nivel të caktuar të ardhurash, paga nuk duket të jetë e lidhur me aftësinë njohëse. Njerëzit fillojnë të fitojnë para pa shumë aftësi njohëse. “Në 50% të pjesëmarrësve ne shohim një lidhje shumë të fortë midis të ardhurave dhe aftësive njohëse”.

Megjithatë, ky korrelacion i qartë zhduket kur të ardhurat i kalojnë 60.000 euro , siç thekson edhe profesori, duke thënë se rritja e mëtejshme e të ardhurave nuk shoqërohet me rritje përkatëse të aftësive njohëse. Megjithatë, përqindja më e lartë e pjesëmarrësve në studim nuk janë shumë të zgjuar.

Pra, lajmi i mirë është se shefi juaj më mirë i paguar nuk është domosdoshmërisht më i zgjuar se ju. Lajmi i keq është se ai thjesht mund të ketë qenë më me fat ose rrjeti i tij mund ta ketë ndihmuar atë të bëjë hapa më të lehtë në karrierë.