Dihet që është sentimentale, por nervozizmi magjik në fillim të lidhjes është rezultat i hormoneve të trazuara. Por dashuria tek e cila çon ajo dhe ndjenja intensive e të qenit të dashuruar është emocion afatgjatë.Një hulumtimi ka zbuluar që madje edhe pas 10 jetësh martesë, niveli i dashurisë mund të jetë intensiv si në fillim të lidhjes. Në studim janë anketuar 274 individë të martuar.

40% të subjekteve që ishin të martuar më gjatë se dhjetë vjet u kanë thënë hulumtuesve që janë ende “të dashuruar shumë intensivisht”. 13,4 % kanë thënë që janë “intensivisht të dashuruar”, ndërsa 26,2 % janë pajtuar me deklaratën që janë “shumë të dashuruar”, shkruan “Daily Mail”. Ndjenjat janë definuar nga kombinimi i disa faktorëve, siç janë të menduarit pozitiv për partnerin, tërheqja e ndërsjellë, joshja seksuale dhe lumturia e përgjithshme e jetës. Autorët e studimit thonë që rezultatet e saj janë në kundërshtim me mendimin e përgjithshëm që ndjenjat e dashurisë bien me kalimin e kohës.

Siç duket, kjo është më shumë e vërtetë për çiftet të cilët tashmë një kohë të gjatë kanë kaluar dekada. Derisa zbulimet kanë treguar rënie në ndjenjat shumë intensive të dashurisë tek të martuarit për më shumë se 20 vjet, ato rriten përsëri deri në 40 % tek çiftet e martuar për më shumë se 30 vjet. Megjithatë, ka dallime mes çifteve kur është në pyetje sjellja e cila paraqet ndjenjë intensive të dashurisë. Për meshkujt, të menduarit për partnerin e tyre gjatë gjithë kohë është shenjë kyçe e dashurisë së thellë, por kjo nuk vlen edhe për femrat.

Pjesëmarrëset femra, përkundër kësaj, ndjenjat e forta i kanë lidhur me pasionin sipas faktorëve që nuk kanë lidhje me marrëdhënien, kanë zbuluar autorët e studimit. Këtë ide që femrat kanë nevojë për hapësirë për të qenë të lumtura e ka shpjeguar Iris Krasnov, e cila në librin e saj ka shkruar: “për të mbajtur premtimin “derisa vdekja të na ndajë” pa atë që dikush të vritet më parë, femra duhet të ketë punën dhe të ushtrojë pasionet që dëshiron./revistawho.com