Thanas Konini nuk jeton më. Solisti i këngës “Dua më shumë Shqipërinë”, u nda nga jeta këtë të diel në moshën 71-vjeçare, pasi vuante nga një sëmundje.

Konini ishte pjesëtar i Korit Lira, prej rinisë së tij. Ai do të mbahet mend për interpretimin si solist të këngëve “Dua më shumë Shqipërinë” dhe “O moj ti me sy të zinj”.

Teatri Korçës ka shprehur ngushëllimet e ndjera dhe mirënjohje të thellë për kontributin e jashtëzakonshëm të tij në jetën artistike të qytetit.

“Ikja e Koninit është një humbje për qytetarinë Korçare, Korin “Lira”, artdashësit që e duartrokitën gjithë jetën zërin e tij të rrallë”, shkruhet në postim.

voxnews.al