Norvegjia është duke u përballur me skandalin më të madh në historinë e të gjithë vendit. Një gjinekolog akuzohet për përdhunimin e 87 grave, paciente të tij, përgjatë një periudhe 20 vjeçare.

Sipas Daily Mail, gjinekologu Arne Bye, 55 vjeç, i cili ka punuar për shumë vite në klinikën komunale në qytetin e vogël Frosta, akuzohet se ka përdhunuar 87 gra dhe ka regjistruar në video sulmet seksuale që ndodhën në klinikën e tij dhe shtëpitë e ‘viktimave’ të tij duke përfshirë edhe dy vajza të mitura. Pacientja e tij më e madhe e abuzuar ishte 67 vjeç dhe më të voglat 14 dhe 15 vjeç.

Në lidhje me ngjarjen tronditëse policia ka sekuestruar më shumë se 6000 orë filmime, shumica e të cilave janë të ekzaminimeve gjinekologjike të regjistruara pa dijeninë e pacientëve.

Sipas aktakuzës, Bye dyshohet se ka përdorur objekte të tilla si një “deodorant”, një “shishe” dhe një objekt cilindrik të paspecifikuar gjatë këtyre ekzaminimeve, pa arsyetim mjekësor.

living.al