Sot i ftuar në emisionin “Pardon My French” ka qenë gazetari dhe njëkohësisht ish-banori i shtëpisë së “Big Brother VIP”, Ronaldo Sharka. Ai ka folur rreth eksperiencës së tij në shtëpinë më të njohur në vend dhe jo vetëm. Ronaldo ka treguar se pas daljes nga shtëpia është pritur mjaft mirë dhe ka treguar se e komplimentojnë shumë.

Njerëzit kishin krijuar një imazh për mua dhe në media kryesisht por edhe nga publiku që ky Ronaldo është tip ngacmuesi, negativi, arroganti, ndërsa aty njohën një Ronaldo të ëmbël që nuk ofendon, që nuk do t’i lëndojë të tjerët.

A e zgjodhi vetë Ronaldo këtë pjesë, që të sillej në atë mënyrë brenda shtëpisë?

Jo, unë mendoj që aty nuk zgjedh askush të bëjë asgjë. Aty njerëzit dalin siç janë sepse ti mund të zgjedhësh një rol por nuk mund ta mbash 24/24 është tërësisht e pamundur.

Gjatë kohës që qëndroi brenda shtëpisë së “BBV”, Ronaldo nuk ngurroi që të shpaloste pasionin e tij më të madh dhe të merrte në intervistë pothuajse të gjithë banorët dhe sigurisht shpesh herë me pyetjet e tij të nxirrte edhe të pathëna, si në rastin e Tea Trifonit një nga ish-konkurrentet e “Për’Puthen” që pranoi se gjithçka ishte bërë për show. Kujtojmë gjithashtu se historia e saj e dashurisë kur doli e deklaruar me Andi Shehun nga emisioni dhe më pas u publikuan foto me Beartin bëri goxha bujë.

Ne përgjithësisht shumë gjëra i dimë por më ka surprizuar Tea, kur ka qenë një bisedë e natës vonë dhe i thashë “Kush i nxorri fotot e tua me Beartin?” dhe ajo thjeshtë thotë: Unë. Nuk e di a e keni kapur këtë momentin. Po tha që i nxora unë, Bearti mezi po priste që t’i nxirrja ndërsa dhe Andi ishte pak a shumë në dijeni. E shikoni sa intervista kam bërë unë aty brenda.

Unë nuk e kuptoj realisht se çfarë e shqetësoi kaq shumë Tean. Realisht nuk arrij ta kuptoj se si mund të flasë një njeri për gënjeshtra kur gënjeshtra jote është gati-gati pothuajse aq e rëndë sa ajo që bëjnë personat e tjerë. U mashtrua një Shqipëri e tërë me një histori fallso dashurie, dhe aty flitet për gënjeshtra kjo është më e tmerrshme akoma.

Top Albania Radio