Kantautori Flori Mumajesi në një postim në Instastory ka njoftuar ndjekësit, se në një billboard në Times Square në New York është emri dhe foto e tij. Kjo gjë Florit i duket e pabesueshme njësoj sikur po përjeton një ëndërr, ndaj ai ka kërkuar ndihmë nga fansat e tij në Instagram për të investiguar më shumë. “Për ata që si unë s’e besojnë investigoni dhe na ndihmoni!”, shkruan Flori në postimin e tij. Sapo u publikua kënga “Karma” e Flor Mumajesit në bashkëpunim me Brunon, Klajdin dhe Dj Vicky u kuptua menjëherë që ajo do të ishte një sukses i madh, jo vetëm në Shqipëri por edhe jashtë saj. E ideuar si një “Despasito” shqiptare, Flori&Co sollën një këngë me ritme latine e kënduar në gjuhën spanjolle. Klipi arriti shumë klikime që orët e para të publikimit në kanalin zyrtar në Youtube, ndërkohë që për momentin numëron plot 9,413,758 shikime.