Shakira jo vetëm që është ndarë nga Gerard Pique, por duket se nuk ka një marrëdhënie të mirë as me ish-vjehërrit. Marrëdhënia mes këngëtares kolumbiane dhe nënës së ish-mbrojtësit të Barcelonës, Montserrat Bernabeu, nuk është më e mirë. Sipas raportimeve të shumta, dikur të dyja kanë patur një marrëdhënie të mirë, diçka që duket se ka marrë fund pas ndarjes së çiftit.

Në “Music Session #53” të Bizarrap, këngëtarja i kushtoi një varg gjyshërve të fëmijëve të saj, duke thënë se Pique e la me vjehrrën me një ton mosrespektues. Nëse nëna e Pique-s po përpiqet të shmangë këngën e njohur, duhet të jetë e vështirë sepse kënga dëgjohet jashtë rezidencës së Shakirës në Barcelonë.

Kritikat në këngën e re të artistes janë më se evidente. Ekipi i emisionit ‘Fiesta’ në kanalin Telecinco ka sqaruar se kënga me Bizarrapin dëgjohet me volum të lartë dy herë gjatë ditës. “Mendoj se është që ta dëgjojnë vjehrrit”, tha emisioni dhe mund të jetë kështu, pasi shtëpitë janë shumë afër dhe me dritaret e hapura do të dëgjohej pa problem.

Ditët e fundit është raportuar gjithashtu se Shakira ka vendosur një manekin të një shtrige të zezë të montuar në një fshesë në tarracën e shtëpisë së saj. Kjo është parë si një mesazh për nënën e Pique, ndërkohë që gazetari Marc Leirado Millan i tha për ‘Mas Vale Tarde’ se nëna madje i kërkoi njërit prej personelit të Shakirës që ta kthente shtrigën në mënyrë që të mos ishte drejtpërdrejt nga shtëpia e tyre, e cila është në të njëjtën rrugë.