“Zemra e do atë që e do” dhe “mosha është vetëm numër” janë klishe që i dëgjoni shpesh – dhe ju thjesht nuk mund ta vendosni se kë do dashuroni.

“Nëse do të kisha qenë 20 vite më i vjetër se gruaja ime, askush nuk do të mendonte për asnjë sekondë se nuk mund të jemi bashkë. Ndërsa për faktin se ajo është 25 vite më e madhe se unë, njerëzit më thonë se lidhja juaj nuk mund të jetë e mundshme” tha presidenti i Francës, Emmanuel Macron, i martuar me gruan e tij Brigitte Trogneux, me një diferencë në moshë prej 25 vjetësh.

Gjithsesi, hulumtimet e reja tregojnë se diferencat e caktuara në moshë mund të jenë shkak i ndarjeve, por edhe mund të jenë indikatorë se lidhja juaj do të zgjatë përgjithmonë.

Hulumtuesit besojnë se diferenca më e mirë në moshë është vetëm një vit, pasi mundësitë për t’u ndarë janë vetëm 3%.