Në finalen e “Love Island” të shumta kanë qenë komentet e urimit për moderatoren Luana Vjollca, e cila për herë të parë në karrierën e saj prezantoi një ‘reality show live’. Sikurse ajo e ka theksuar edhe vetë, kjo ishte një sfidë dhe një ëndërr e realizuar për të.

Në mesin e komenteve, ai që rrëmbeu vëmendjen e ndjekësve ka qenë ai i trashëgimtares së Top Channel Sara Hoxhës. “Suksese”, ka shkruar ajo teksa e ka shoqëruar me një emoji zemre.

Pak orë më vonë, ka ardhur edhe përgjigjja e Luanës, e shumëpritur nga fansat duhet thënë. “Faleminderit Sarush”, ka shkruar moderatorja duke treguar në këtë mënyrë që ato vijojnë të ruajnë një raport të mirë, edhe pse Luana nuk është më pjesë e Top Medias.

Të dyja komentet kanë marrë shumë pëlqime nga ndjekësit, ku disa kërkojnë edhe rikthimin e Luanës në Top Channel.

Rreth 3 vite më parë nisën aludimet që Luana Vjollca ishte larguar nga Top Channel, aty ku ajo për 15 vite me radhë kishte nisur dhe zhvilluar karrierën e saj. Disa muaj më vonë vetë moderatorja konfirmoi lajmin e shkëputjes nga televizioni, të cilin e kishte cilësuar si shtëpinë e saj.

Prej asaj kohë e deri në finalen e programit të dashurisë nuk ishte vënë re asnjë komunikim publik mes moderatores dhe drejtuesve të Top Channel, edhe pse të dyja palët kanë patur angazhime të rëndësishme profesionale, Luana e cila u rikthye në një tjetër ekran me programin “Zemër Luana” dhe ‘Love Island” dhe nga ana tjetër edhe motrat Hoxha kanë marrë drejtimin e Top Channel, konkretisht Sara Hoxha, producente e “Big Brother VIP” dhe “Dancing With The Stars”.

Bordo