RRËFIMI PREKËS I ROZANA RADIT: Humbja e prindërve dhe lufta për t’u bërë nënë

Mbrëmja e fundit në “Big Brother VIP Albania” solli një moment emocional, ku Rozana Radi rrëfeu përjetimet më të dhimbshme të jetës së saj. Ajo foli për humbjen e prindërve dhe përpjekjet e saj për të pasur një fëmijë, duke zbuluar se ka kaluar disa shtatzëni të dështuara.

Pas këtij rrëfimi prekës, Rozana u dërgua në “Storm Arena”, ku e priste një surprizë emocionuese. Një letër nga partneri i saj, e lexuar nga moderatori Ledion Liço, përçoi mbështetjen e pakushtëzuar që ai ka për të.

“Ti më mund bindshëm me fjalën, por sot më takon mua të shkruaj… Ne e kemi mbështetur njëri-tjetrin pa kushte. Shihemi pas festës,” – shkruhej në letrën e partnerit të saj.

Në një moment plot ndjenja, Rozana premtoi se nuk do të dorëzohet në ëndrrën e saj për t’u bërë nënë: “Dhe unë ia premtoj që ne do bëhemi prindër, sido që të jetë.”

Në fund, Top Channel bëri një gjest të jashtëzakonshëm duke i premtuar Rozanës mbështetje të plotë për trajtimet e nevojshme mjekësore. “Me shpresë të madhe, mbase vitin tjetër do të më vijë një mesazh nga ty që do më thotë: ‘Hej, ia dolëm’”, – tha Ledion Liço.

Ky moment ka prekur jo vetëm banorët, por edhe publikun, duke bërë që shumë ndjekës të shprehin mbështetjen e tyre për këngëtaren dhe rrugëtimin e saj të vështirë.

gossip.al