Në një intervistë të fundit, influencuesja braziliane Caroline Celico ka shpjeguar se pse e la futbollistin legjendar Ricardo Kaka. Nëna e dy fëmijëve tha se futbollisti i njohur ishte shumë perfekt për të dhe se kjo ishte arsyeja kryesore e divorcit pas dhjetë vitesh martesë.

Dyshja u divorcua në vitin 2015 dhe vetëm në një intervistë të fundit Caroline ka folur për arsyet e divorcit.

Kaka nuk më tradhtoi kurrë, ai gjithmonë më trajtoi mirë, më dha një familje të mrekullueshme, por nuk isha e lumtur. Diçka mungonte. Problemi është se ai ishte shumë i përsosur për mua.

Ricardo Kaka nga ana tjetër ka zbuluar së fundmi anën e tij të historisë mbi divorcin e tij të vitit 2015 pas një pretendimi të çuditshëm të bërë nga ish-bashkëshortja e tij. Kaka tha në një podcast se ai bëri gjithçka që mundi për të parandaluar divorcin për shkak të vlerave të forta fetare, duke vënë në dukje se një i krishterë nuk martohet për t’u divorcuar.

Ish-ylli i Real Madrid dhe Orlando City tha:

Në vitin 2015 isha i martuar dhe bashkëshortja ime në atë kohë vendosi se nuk donte të ishte më e martuar. Ne jetonim në Shtetet e Bashkuara dhe ajo kërkoi të shkonte përsëri në Brazil. Fjalët e saj ishin, ‘Unë dua të kthehem në Brazil, dua të jetoj atje dhe nuk dua të jem më e martuar’. Unë bëra çdo gjë që mundesha për të parandaluar ndarjen të ndodhte. Unë qëndrova beqar për një vit, duke u përpjekur të asimiloj situatën dhe duke u marrë me të si i krishterë, duke folur me pastorët.

Megjithatë, ai filloi të dilte me partneren e tij të tanishme, modelen braziliane Carolina Dias, në vitin 2017, me fejesën e tyre të shpallur më herët këtë vit. Ata gjithashtu kanë një vajzë 1-vjeçare së bashku. Kaka shijoi një karrierë të shkëlqyeshme për klubet si Sao Paulo, AC Milan dhe Orlando City para se të largohej nga loja në vitin 2017.

Top Albania Radio