Tashmë prej tre vitesh, çdo sezon vere “Top Channel” rikthen në ekran emisionin “Pushime on top”, i cili ka si qëllim eksplorimin dhe reklamimin e vendeve më të bukura në bregdetin shqiptar.

Ky format i është besuar moderatores Ori Nebiaj, e cila duket se do të jetë në ekran sërish gjatë këtyre muajve të nxehtë.

Megjithatë përveçse si moderatore, Orin do ta shohim edhe si autore të programit. Këtë e ka bërë vetë të ditur Olsa Muhameti, autorja e shumë programeve në “Top Channel”. Ajo ka treguar se këtë vit ka vendosur të pushojë dhe ‘stafeta’ i ka kaluar Orit, e cila do të jetë edhe autore, edhe producente.

Tashmë jemi të gjithë sy e veshë për të shijuar sërish bukuritë e Shqipërisë nga ekrani.