Edhe pse vitet kalojnë, duket se nuk do të shpëtojmë nga krahasimet që njerëzit na bëjnë në raport me të tjerët.

“Kë do më shumë, mamin apo babin,”- ka qenë dhe vazhdon të jetë një ndër pyetjet më të zakonshme që u bëhet fëmijëve.

Së fundmi, diçka e ngjashme i ka ndodhur edhe moderatores së njohur, Dojna Memës, e cila është revoltuar nga komentet që ndjekësit i kanë bërë.

Pasi publikoi një video të së motrës në llogarinë e saj në Instagram, një ndjekëse i shkruajti: “Oh, sa zë të ëmbël dhe të bukur ka! Mos u bëj xheloze, por është më e mirë se ti”.

Ndërkohë, Dojna, e cila nuk arrin ta kuptojë arsyen se përse duhet të bëhen këto lloj krahasimesh, shkruan: “Besoj se pas atyre që pyesin virgjërinë, vendin e dytë për injorancën e zënë këta që bëjnë krahasime me motër-motër, mam-gocë dhe komentojnë ‘Mos u bëj xheloze!’”

Në postimin e radhës në Instastory, moderatorja vazhdoi: “Ose shprehja më injorante që ekziston është: ‘Më mirë e oma se e bija’.”

/Panoramaplus.al