Inxhinieri biomjekësor Ermand Mertenika tha në “Good Morning Albanians” këtë të premte, se ushqyerja e shëndetshme dhe aktiviteti fizik nuk e ndalojnë plakjen.

Ai tha se patjetër që kujdesi ndaj organizmit dhe trupit tonë na mundëson që të ndihemi më mirë dhe të dukemi më bukur, por në aspektin qelizor të gjithë plaken njësoj.

“Ushqimi dhe aktiviteti fizik mund të mirëmbajnë organizmin dhe trupin, por mosha biologjike është e njëjtë për këdo. Kjo do të thotë se aktiviteti qelizor ecën në mënyrë të njëjtë. Këto janë induktanca të jashtme, nëse ne e mirëmbajmë organizmin, jemi më ndryshe nga një që mund të jetë obez, por që mosha biologjike është e njëjtë.

Aktiviteti qelizor si për një person që e mirëmban trupin, merret me sport dhe ha shëndetshëm, si një tjetër që nuk e zbaton këtë, mosha qelizo0re është e njëjtë. Në aspektin e pamjes së jashtme nuk plaken njëlloj, por në aspektin shkencor, qelizor plakja është e njëjtë”,-tha në Euronews Albania Ermand Mertenika.