Lumturi përrallore! Heidi Klum dhe Tom Kaulitz lidhën kurorë në një ceremoni romantike në Capri të Italisë të shtunën. Supermodelja 46-vjeçare, ndau me ndjekësit e saj në mediet sociale fotografinë e parë nga dasma mahnitëse. “Ne e bëmë! Z. & Znj. Kaulitz,”, shkruan Klum në foton që është duke u puthur me partnerin e saj, shoqëruar me një seri emoxhesh zemre. Në foto, çifti përqafohet nën një tendë me lule të bardha, të shtrira së bashku, teksa ndodheshin në jahtin luksoz të Christina O, shkruan Top Channel. Dhëndri 29-vjeçar i Klum kishte veshur një kostum të bardhë dhe flokët e gjatë i kishte lënë të lëshuar. Nëna e katër fëmijëve mban veshur një fustan po të bardhë dhe pa rripa.