Ndonëse u përgjigjet pothuajse çdo ditë pyetjeve të ndjekësve në rrjete sociale, duket se për Arbana Osmanin kurioziteti nuk ka fund.

Ditën e djeshme, moderatorja u pyet se kur do ta zbulojë portretin e djalit të saj të dytë, Diellit, dhe ajo iu përgjigj një herë e mirë.

“Po, shumë kuriozitet për një bebe që s’ka arsye pse të jetë në rrjetet sociale një herë për njëherë. Nëse kur të rritet do na kërkojë vetë (si Joni) ndoshta”, shkroi Osmani.

“Pas dy çunave, ke dëshirë të bësh një gocë?”- e pyeste një tjetër, së cilës Osmani iu përgjigj: “Ja ku e kam gocën”, duke publikuar një foto me mbesën e saj, Kenzën.

Ndërkohë, një ndjekëse e ka pyetur nëse do të organizojë një dasmë me partnerin e saj, regjisorin Eduart Grishaj.

“S’besoj se është e zakonshme, por prapë, a do bësh dasmë?”– ishte pyetja që iu drejtua.

“Sigurisht që është e zakonshme, ne jemi shqiptarë”, u përgjigj Arbana, duke nënkuptuar se planet për dasmë tashmë janë bërë.